આ ગુર્જરધરાનો ખોળો,
રત્નો તો રમતાં મળે;
થાય સ્વાદ થોડો મોળો,
મીઠું ઉપાડતો મોહન મળે;
ટુકડે કદાચ વેરાય હિંદ,
અખંડ કરવા સરદાર મળે;
ગામડે જો ઇતિહાસ રૂવે,
પાળિયાને પૂછતો મેઘાણી મળે;
સમાજ આભડે જો પોતાને અંગે,
દિલને અડતો 'મહારાજ' મળે;
ખેંચ પડે ધરમ-જાત્રાએ જાતાં,
લખેલી હુંડીઓ નરસૈયાની મળે;
કદીકને ડરો તમે સપના જોતાં,
હાથી એ બેઠેલો 'અંબાણી' મળે;
આભને નકશે પડો જો ભુલા,
રસ્તો કરનાર વિક્રમ મળે;
પાના જો ઉથલાવો તમે,
મુનશી,દયાનંદ ને નર્મદ મળે;
આ ગુર્જરધરાનો ખોળો,
રત્નો તો રમતાં મળે;
-નરેશ સાબલપરા
ટિપ્પણીઓ નથી:
ટિપ્પણી પોસ્ટ કરો