છલકાવી જામ પ્યાલાની વાત કરીએ,
ખાલી દિલ છે,વ્હાલાની વાત કરીએ,
તું ને હું મિત્ર રહ્યા આંબલીપીપળીના,
એક જ પ્રેમ,ભાગલાની વાત કરીએ,
પાયો એક પાવડે ખોદ્યો, ભર્યો ભેળો,
ખાલી રહ્યો એ મજલાની વાત કરીએ,
છોડી ગઈ,આપણે સાથે જેની ચાહેલી,
છેલ્લે જોયેલા ચોટલાની વાત કરીએ,
આલમને એક જ તાંતણો પકડે પ્રેમ,
તોડ્યા જેણે એ દવલાની વાત કરીએ,
બનાવી એક જ લાગણીની ગઝલ ભેરૂ,
અલગ થયો એ મત્લાની વાત કરીએ...
-નરેશ સાબલપરા
ટિપ્પણીઓ નથી:
ટિપ્પણી પોસ્ટ કરો