રમણી નાર...

એક વાર બોલાવી જો પ્રેમે, જો કેવી થડકે, ભડકે પછી અડકે રમણી નાર;

માંગી જો સાથ જીંદગીભર, જો કેવી રમે, ભમે પછી વિરમે રમણી નાર;

એની ના માં હા હોય, હા એ ના,ખુદ અટવાયેલી ગુંચવશે તુજને અપાર,

ના અમસ્તા કરતો નકાર,જો કેવી ટળવળે,ચળવળે પછી ખળભળે રમણી નાર;

લચીલા રૂપ પર તું ઢળ્યો ખરો,એરણ પર તપ્યો છે કદી?થડકાર ખમવા તૈયાર?

કાચનું રમકડું હૈયુ, રણકાવ સામે,જો કેવી વખોડે, તોડે પછી જોડે રમણી નાર;

ડરપોક હોય છે લાગણી, કઠોર હોય વર્તમાન, ભવિષ્ય કોણે ભાખ્યુ છે હજી?

બહાદુરીથી બોલ,કરવા રાજી,જો કેવી રીઝવે, પજવે પછી દજવે રમણી નાર;

રૂપ રીઝવવું ક્યાં સહેલું છે, દંભે દડીશ, બંધ બારણે માથું ફોડીશ નાહક,

દેખાડ ખુલ્લા દિલની તમન્ના, જો કેવી ટાળે, ચાળે ને પછી ભાળે રમણી નાર;