તારો બોલ-૨

પાણી ગયુ તાણી બોલ,

કાલે કર્યો તેં જુઠ્ઠો કોલ,

તમરુ લવી કાંઇ સાજ,

હાંસી કરે મારી આજ,

આજે એકલી છે છાંય,

જગમાં અન્ય ના દેખાય,

બીજે કર્યો ત્યારે વાસ,

ને મેં ત્યજી તારી આશ,

સુકુ થઈ ચુક્યુ ઘાસ,

મોતી નથી એકે પાસ,

પંખી ફર્યુ છે આકાશ,

રે! હું પડ્યો છું ઉદાસ,

મેં તો કરી હતી પહેલ,

આશાએ ચણવા મહેલ,

પંખીના કુણા દિલમાં ફાંસ ,

સાચા પ્રેમનો છે વાસ,

જુનુ પુષ્પ, જુઠ્ઠી વાસ,

જુઠ્ઠો પ્રેમનો આ વિશ્વાસ,

સાચો એક આ નિશ્વાસ,

જે છે હજી મારી પાસ,

હજુ સમરુ છું દિનરાત,

મુકુ જ્યારે છુપો નિઃશ્વાસ,

પંખી રખે ને દુભાય,

માળો મુકી ઉડી જાય,

ઉડીને રખે જુદા થાય,

પછી એકલું એ દુભાય,

તેનો ફરે નહી કોલ,

મીઠો કરે સદા કલ્લોલ..
-ભીખુભાઇ સાબલપરા