પ્રયાસો કરીનેય પામી ના શકતો,
ફરેબો કરીનેય ફાવી ના શકતો,
જરા હુંય નખરા કરું રીઝવવાને,
સનમને સ્વપ્ને પણ સતાવી ના શકતો,
સમી સાંજ માં મીંચતો આંખલડીને,
સવારેય સ્વપ્ન એક વાવી ના શકતો,
બધી લાગણીઓ તમારી થરથરતી,
હું મજબૂર કેવો તપાવી ના શકતો,
મને છીપ પણ હાથ ના લાગ્યાં દરિયે,
છતાં આશ રત્નની શમાવી ના શકતો,
'કરમ કર સદા આશ ફળની છોડીને',
ખબર તોય લાલચ દબાવી ના શકતો..
-નરેશ સાબલપરા
ટિપ્પણીઓ નથી:
ટિપ્પણી પોસ્ટ કરો